দুখীয়া কলিজা নিঙাৰি ল’ব
টুপি টুপি তেজ শুঁহি শুঁহি পিব
ৰুকি ৰুকি মঙহ চোবাই খাব
কুৰুকি হাড় কেউডালো চোবাব
হুচিয়াৰ ! হুচিয়াৰ !
ধনী ! মহাজন ! জমিদাৰ !
হুচিয়াৰ ! হুচিয়াৰ !
বিপ্লৱ পথৰে যাত্ৰী আমি
সৰ্বহাৰাৰে মুক্তকামী
চূৰ্ণ কৰিম আমি সংগ্ৰামী
দৰ্প ধনীৰ, পণ আমাৰ
হুচিয়াৰ ! হুচিয়াৰ !
ধনী ! মহাজন ! জমিদাৰ !
হুচিয়াৰ ! হুচিয়াৰ !
শেষ যুদ্ধৰ আমি ৰণুৱা
পৃথিৱীৰ হালোৱা বনুৱা
হ’ম বিজয়ী আমি দুখীয়া
ক’ত ৰবি ধনী এইবাৰ ?
হুচিয়াৰ ! হুচিয়াৰ !
ধনী ! মহাজন ! জমিদাৰ !
হুচিয়াৰ ! হুচিয়াৰ !
Hits: 3543